Stjörnuskoðunarfélag Seltjarnarness var stofnað hinn 11. mars 1976 á fjölmennum fundi í Valhúsaskóla. Frumkvæði að stofnun félagsins hafði Sigurður Kr. Árnason húsasmiður og listmálari, sem um leið gaf skólanum sjónauka sem þá var hinn stærsti hér á landi. Fyrstu stjórn félagsins skipuðu þeir Þorsteinn Sæmundsson stjörnufræðingur (formaður),  Sigfús Thorarensen verkfræðingur og Sigurður Kr. Árnason. Engin mynd hefur fundist af stjórninni frá þessum tíma, en fjörutíu árum síðar bauð Sigurður fyrrverandi stjórnarmönnum heim til sín og tók Örn, sonur Sigurðar, þá mynd sem hér fylgir með. 

Þ.S. 24. 5. 2016.