Þorsteinn Sæmundsson Þetta var ferð sem við Guðný fórum í félagi við vini okkar Ragnar Ingimarsson og konu hans, Halldóru Bjarnadóttur. Þetta var önnur ferð mín vestur um haf en fyrsta ferð Guðnýjar. Ferðin stóð frá 7. ágúst til 7. september, þ.e. réttan mánuð. Daginn áður en við lögðum af stað flaug ég á TF-FET til Hríseyjar með Guðnýju og Mána til að kveðja Svönu. Svana hafði verið í Hrísey frá 2. ágúst hjá pabba og Úllu og var þar til 21. ágúst, að Úlla fór með hana suður og Birgir Halldórsson flaug með hana að Núpstúni. Svana dvaldist í Núpstúni hjá Binna frænda og Ingu þangað til við komum aftur. Svana var þá 7 ára. Hákon og Máni voru heima meðan við vorum í ferðinni. Hákon var 18 ára en Máni 15. Aldrei þessu vant fórum við á eigin bíl til Keflavíkur og
skildum hann eftir þar.
Þegar við komum suður eftir kom í ljós að Ívar, 10 ára sonur
Ragnars og Dóru, var með í för. Reyndist hann ágætur ferðafélagi. Brottför frá Keflavík var kl.
16:30. Flugtími til Chicago var 6 klst. Þar gistum við á Best
Western O'Hare hóteli hjá flugvellinum. Föstudaginn 9. ágúst heimsótti ég Jet Propulsion
Laboratory sem rekið er af NASA og er miðstöð geimrannsókna.
Við Jet Propulsion Laboratory
Síðan lá leiðin á skrifstofur Mt. Wilson
stjörnuturnsins og þaðan upp á
Wilson fjall að skoða sjónaukann fræga. Við Mt. Wilson stjörnuturninn
Laugardag 10. ágúst hringdum við til Hríseyjar og töluðum við
Svönu. Síðan skildu leiðir og við Guðný leigðum bíl og ókum til
Krúsu (Kristjönu Jónsdóttur) vinkonu Guðnýjar í Oceanside. Með
henni fórum við til San Diego að sjá Sea World. Með Krúsu og dóttur hennar Í Sea World
Í Disneyland Þriðjudaginn 13. ágúst fórum við til Los Angeles og höfðum þar upp á lækni þar sem Guðný þjáðist af kláða. Gistum á Quality Inn LAX Airport. Miðvikudag 14. ágúst flugum við til San Francisco og hittum
aftur Ragnar og Dóru. Gistum þar á Hotel Stewart. Föstudag 16. ágúst flugum við til Honolulu. Á leiðinni bilaði annar hreyfill vélarinnar. Ég tók strax eftir því, en það var ekki fyrr en nokkru síðar að flugstjórinn tilkynnti seinkun af þessu tilefnni. Í Honolulu hittum við son Ragnars, Ingimar, sem hafði ákveðið að slást í förina. Gistum á Queen Kapiolani hótelinu. Þetta var afmælisdagur pabba og ég hringdi til hans af hótelinu um kvöldið. Reyndar var kominn 17. ágúst heima vegna 10 klst. tímamunar. Laugardaginn 17. ágúst skoðuðum við Pearl Harbor og hið
sokkna orrustuskip Arizona sem þar er til sýningar. Ókum síðan sem
næst í kringum eyna (O'ahu) sem er sú þriðja stærsta í klasanum.
Þriðjudag 20. ágúst var enn farið á ströndina, en síðan
flogið til Hilo á stærstu eyjunni ("Hawaii") og gist þar á Hilo
Hawaiian.
Guðný og Ragnar á hæsta tindi Mauna Kea Meðan við vorum þarna uppi kom jeppi með nokkrum hermönnum upp fjallið. Þeir stukku út og hlupu að vörðunni efst á fjallinu. Þegar þeir komu til baka voru þeir að lotum komnir vegna loftleysis. Maður fann mjög greinilega fyrir súrefnisskortinum.
Þegar við komum niður af Mauna Kea ókum við nokkurn spöl meðfram ströndinni norðanmegin. Fimmtudag 22. ágúst fórum við að skoða Volcanoes National Park
á sömu eyju (Hawaii). Þar er eldfjallið Kilauea sem stöðugt gýs.
24. ágúst. Flugum til Dallas og þaðan til Denver þar sem
vinur minn Kendall
Svendsen og kona hans tóku á móti okkur á vellinum. Gistum á Best Western í
Longmont.
Þriðjudag
27. ágúst ókum við til Yellowstone Park.
Þar sáum við vísunda o.fl. Gistum í Lake Lodge kofa. Vísundar
komu stundum svo nærri kofanum að við þorðum ekki út.
Mig minnir að þarna höfum við verið að bíða eftir gosi úr
geysinum "Old Faithful".
Yellowstone svæðið skoðað
28. ágúst. Skoðuðum Yellowstone. Leigðum bát.
Ókum til Jackson. Fengum
óvenju stórgert haglviðri.
Gistum í The Inn at Jackson Hole í Teton þorpi.
29. ágúst. Skoðuðum Grand Teton. Fórum hátt í lyftu.
1. september hringdum við í Núpstún til að fá
fréttir af
Svönu og tala við hana. Síðan ókum við til Royal Canyon og Colorado Springs. Sáum
þar dýrasafn. Þaðan til Denver og gistum á Royal 8 Inn.
Kendall Svendsen 3. sept. fór ég með Svendsen í gagnamiðstöð í Boulder. 5. sept. Fórum til Detroit og vorum með Ragnari og Dóru í Arborland eftir hádegi til að versla. 6. sept. Þennan dag var þrumuveður. Við fórum í Briarwood til að versla, en síðan út á flugvöll til heimferðar. Flugtak var kl. 20:30. 7. sept. Guðný ók okkur heim af vellinum. Eftir 2 klst. svefn fórum við austur í Núpstún að sækja Svönu.
|