Hve hratt hreyfast rafeindir í leiðara?

   Fyrstu viðbrögð við þessari spurningu eru venjulega á þá leið að hraði rafeindanna hljóti að vera afar mikill, jafnvel sambærilegur við hraða ljóssins. Þegar málið er athugað nánar kemur annað í ljós. Fjöldi rafeinda í hverjum leiðarabút er svo gríðarlegur að lítilfjörleg hliðrun þeirra veldur verulegum rafstraumi. Ef við gerum ráð fyrir að leiðarinn sé úr kopar og að hverri frumeind koparsins fylgi ein laus rafeind, getum við reiknað hve hratt rafeindirnar þurfi að hliðrast í leiðaranum til að framkalla strauminn 1 amper. Svarið er 1/3 úr metra á klukkustund.

Þ.S. 8.10. 2023