Leiðarpistillinn

Árið 1943 kom út í Bandaríkjunum lag sem sló í gegn. Það var sungið af Bill Crosby og Andrews systrum. Upphaf textans var á þessa leið:

Lay that pistol down, babe
Lay that pistol down
Pistol packing mama
Lay that pistol down

Lagið fékk nafnið "Pistol Packing Mama" og taldist vera sveitahljómlist (hillbilly music). Til Íslands  barst það að sjálfsögðu, enda styrjöldin í fullum gangi og hermenn á götunum. Ég hef verið átta ára þegar ég heyrði lagið fyrst. Á þeim árum skildu krakkar lítið sem ekkert í ensku, ólíkt því sem nú gerist. Ég minnist þess að jafnaldrar mínir kölluðu lagið "Leiðarpistill dambey", í barnalegri tilraun til að íslenska það. Þetta rifjaðist upp einn daginn þegar ég heyrði stef úr laginu. Má furðulegt heita að þessi merkingarleysa skuli hafa fest í heilabúinu og haldist þar í átta áratugi.